ਤੋਲ ਦਿਆਂ ਵਿੱਚ ਬਦਲੇ

ਤੇਰਾ ਮੈਨੂੰ ਯਾਦ ਕਰਨਾ

ਕੀ ਦੱਸਾਂ ਮੈਨੂੰ ਕੀ ਮੁੱਲ ਲੱਗੇ,

ਲੱਗੇ,ਤੋਲ ਦਿਆਂ ਵਿੱਚ ਬਦਲੇ

ਬਸ ਓਹਨਾ ਦੋ ਘੜੀਆਂ ਦੇ

ਜਿੰਦ ਆਪਣੀ ਤੇਰੇ ਹਿੱਸੇ,

ਜਿਹਨਾਂ ਘੜੀਆਂ 'ਚ ਚੇਤਾ

ਮੇਰਾ ਤੂੰ ਕਰਦੀ ਏਂ...!

ਡਰ

ਐਨਾਂ....

ਕਿਉਂ ਡਰ ਲਗਦੈ ?

ਕਿ ਕਿਤੇ ਰੁੱਸ ਨਾ ਜਾਵੇ !

ਮਸਾਂ ਮਸਾਂ ਤਾਂ ਬਹੁੜਿਆ ਏ

ਮੁੜ ਸੱਜਣ ਦਿਲ ਦੇ ਵਿਹੜੇ,

ਚਾਵਾਂ ਭਰਿਆ ਭਾਂਡਾ

ਹੱਥੋਂ ਮੇਰੇ ਰੁੜ ਨਾ ਜਾਵੇ;

ਰੱਖਾਂ ਬੋਚ ਬੋਚ ਪੈਰ

ਨਾਲ ਓਹਦੇ ਚੱਲਣੇ ਨੂੰ,

ਕਾਹਲ ਕਰੀਂ ਤੋਂ ਹਰਖਿਆ

ਪਿੱਛੇ ਮੁੜ ਨਾ ਜਾਵੇ;

ਇਸ਼ਕ਼ ਕਮਾਉਣਾ ਨਹੀਂ ਸੌਖਾ

“ਦਿੱਸ਼ਾ"ਡਰੇ ਏਸੇ ਲਈ !

ਵਫ਼ਾ ਉਹਦੀ ਬਦਲੇ

ਵਜ਼ਨ ਮੇਰੇ ਇਸ਼ਕ ਦਾ

ਕਿਤੇ ਥੁੜ ਨਾ ਜਾਵੇ।

ਐਨਾ ਵਿਹਲਾ - Ena Vehla

ਗੀਤ - "ਐਨਾ ਵਿਹਲਾ"

ਗਾਇਕ - ਸਤਿੰਦਰ ਸਰਤਾਜ

ਐਲਬਮ - “ਹਜ਼ਾਰੇ ਵਾਲਾ ਮੁੰਡਾ”

**********

ਪੈ ਗਿਆ ਕਿੰਨਾ ਗੈਪ

ਸਮਾਂ ਤਾਂ ਖਾ ਗਿਆ ਏ

ਵਟਸਐਪ...ਚੈਟ...

ਕੋਈ ਆ ਗਈ ਵਿੱਦ ਸਨੈਪ

ਜਵਾਨੀ ਕਿੱਧਰ ਚੱਲੀ...

ਕੁਝ ਸੈਲਫ਼ੀ ਖਿੱਚ ਫਸਾ ਲਏ ਨੀਂ

ਤੂੰ ਕੰਮ ਤੋਂ ਬਾਹਰ ਬੁਲਾ ਲਏ ਨੀਂ

ਆ ਕਿਹੜੇ ਕੰਮੀਂ ਲਾ ਲਏ

ਆਪ ਲੁਕ ਬਹਿ ਗਈ ਕੱਲ੍ਹੀ..।

ਐਨਾ ਵਿਹਲਾ ਵੀ ਹੋ ਸਕਦਾ ਏ ਕੋਈ ਬੰਦਾ

ਸਾਰਾ ਦਿਨ ਹੀ ਫੋਨ ਨਾਂ ਆਸਾ ਪਾਸਾ ਵੇਖੇ

ਹੋ ਮਿੱਤਰਾ ਜਿੰਦਗੀ ਏ ਨਜ਼ਰਾਨਾ ਮਾਣ ਹਵਾਵਾਂ ਨੂੰ...

ਮਿੱਤਰਾ ਜਿੰਦਗੀ ਏ ਨਜ਼ਰਾਨਾ ਮਾਣ ਹਵਾਵਾਂ ਨੂੰ

ਜਿੱਧਰੋਂ ਖੁਸ਼ੀ ਭਾਲਦੈਂ ਉਹ ਤਾਂ ਨਿਰੇ ਭੁਲੇਖੇ

....ਭੁਲੇਖੇ....ਨਿਰੇ ਭੁਲੇਖੇ...

ਸੁਣ ਸਰਤਾਜ ਕੀ ਕਹਿੰਦਾ ਮਿੱਤਰਾ

ਨੋਟਿਸ ਕਿਉਂ ਨੀਂ ਲੈਂਦਾ -2

ਅੱਖੀਆਂ ਬਣੀਆਂ ਸੀ ਜੋ ਮਾਨਣ ਸੱਜਰਿਆਂ ਫੁੱਲਾਂ ਨੂੰ

ਜਾਂ ਫੇਰ ਅੱਧੀ ਰਾਤ ਨੂੰ ਵੇਖਣ ਛੱਤ ਤੇ ਤਾਰੇ

ਓ ਤੂੰ ਤਾਂ ਆਪਣੀ ਤਲੀ ਦੇ ਉੱਪਰ ਨਿਗ੍ਹਾ ਟਿਕਾਈਆਂ ਨੇ...

ਤੂੰ ਤਾਂ ਆਪਣੀ ਤਲੀ ਦੇ ਉੱਪਰ ਨਿਗ੍ਹਾ ਟਿਕਾਈਆਂ ਨੇ

ਓਏ ਤੇਰੇ ਉਪਰੋਂ ਗੁਜਰੀ ਜਾਂਦੇ ਬੱਦਲ ਭਾਰੇ

...ਨਜ਼ਾਰੇ...ਹੁਲਾਰੇ...

ਸੂਰਜ ਚੜ੍ਹਦਾ ਲਹਿੰਦਾ ਵੇ ਤੂੰ ਨੋਟਿਸ ਕਿਉਂ ਨੀਂ ਲੈਂਦਾ - 2

ਤੈਨੂੰ ਖੁਦ ਵੀ ਲਗਦਾ ਜਿੰਦਗੀ ਵਿੱਚ ਕੁਝ ਕੀਤਾ ਤੂੰ

ਇਹਨਾਂ ਉਂਗਲੀਆਂ ਨਾਲ ਜੇ ਕੋਈ ਤੂੰ ਸਾਜ਼ ਵਜਾਉਂਦਾ

ਆਹ ਤੇਰੀ ਵਟਸਐਪ ਨੇ ਤੇਜ਼ੀ ਖਾ ਲਈ ਉਂਗਲਾਂ ਦੀ...

ਤੇਰੀ ਵਟਸਐਪ ਨੇ ਤੇਜ਼ੀ ਖਾ ਲਈ ਉਂਗਲਾਂ ਦੀ

ਬੈਠਾ ਤਕਦਾ ਰਹਿੰਦਾ ਕਦ ਰਿਪਲਾਈ ਆਉਂਦਾ

...ਆਉਂਦਾ...ਰਿਪਲਾਈ ਆਉਂਦਾ...

ਦਿਲ ਟਿਕ ਕੇ ਨੀਂ ਬਹਿੰਦਾ ਏਹ ਸਕਰੀਨ ਨੂੰ ਤੱਕਦਾ ਰਹਿੰਦਾ -2

ਆਹ ਨੀਂ ਚੱਲਣਾ ਨਾਲੇ ਚੈਟ ਤੇ ਨਾਲ ਡਰਾਇਵਰੀਆਂ...

ਆਹ ਨੀਂ ਚੱਲਣਾ ਨਾਲੇ ਚੈਟ ਤੇ ਨਾਲ ਡਰਾਇਵਰੀਆਂ

ਰੋਕਣ ਵਾਲਿਆਂ ਨੂੰ ਤੂੰ ਕਹਿੰਨੈ ਮਾਮੇ - ਸਾਲੇ

ਤੇਰਾ ਛੜੇ ਛਾਂਟ ਦਾ ਕੀ ਐ ਆਪੇ ਭੁਗਤ ਲਵੀਂ...

ਤੇਰਾ ਛੜੇ ਛਾਂਟ ਦਾ ਕੀ ਐ ਆਪੇ ਭੁਗਤ ਲਵੀਂ

ਪਰ ਇਹਨਾਂ ਸੜਕਾਂ ਤੋਂ ਈ ਜਾਂਦੇ ਬੱਚਿਆਂ ਵਾਲੇ

...ਵਾਲੇ...ਜੀ ਬੱਚਿਆਂ ਵਾਲੇ...

ਫਰਕ ਬੜਾ ਹੀ ਪੈਂਦਾ ਜਦ ਕੋਈ ਬੇਕਸੂਰ ਦੁੱਖ ਸਹਿੰਦਾ -2

ਦਿਲ ਟਿਕ ਕੇ ਨੀਂ ਬਹਿੰਦਾ ਇਹ ਸਕਰੀਨ ਨੂੰ ਤੱਕਦਾ ਰਹਿੰਦਾ -2

ਸੁਣ ਸਰਤਾਜ ਕੀ ਕਹਿੰਦਾ ਮਿੱਤਰਾ ਨੋਟਿਸ ਕਿਉਂ ਨੀਂ ਲੈਂਦਾ -2

ਜੋ ਬੀਤ ਗਿਆ ਸੋ ਮੁੱਕ ਗਿਆ

ਅੱਜ ਨੂੰ ਸਾਂਭ ਛੱਡ ਪਿੱਛਲਾ ਰੋਣਾ

ਬੀਤ ਗਏੇ ਨੂੰ ਨਾ ਜੱਫੀਆਂ ਪਾ,

ਜੋ ਬੀਤ ਗਿਆ ਸੋ ਮੁੱਕ ਗਿਆ

ਦੇ ਯਾਦਾਂ ਦੇ ਸਭ ਦਰਦ ਭੁਲਾ;

ਸੋਹਣੀ ਰੰਗ ਬਿਰੰਗੀ ਤਿਤਲੀ

ਉਹ ਤੇਰੀ ਹੈ ਤੇ ਨਾ ਮੇਰੀ ਹੈ,

ਨਿੱਤ ਨਵੇਂ ਫੁੱਲਾਂ ਦੀ ਸਾਥਣ ਜੋ

ਰਹੀ ਉਹ ਆਪਣੇ ਕਰਮ ਕਮਾ:

ਖੁਸ਼ਬੂਆਂ ਦੀ ਨਾ ਕੋਈ ਵਸੀਅਤ

ਕੋਈ ਨਾ ਸਕਿਆ ਨਾਂ ਆਪਣੇ ਲੁਆ,

ਤੂੰ ਫੁੱਲ ਤੇਰੀ ਆਪਣੀ ਸ਼ੋਭਾ

ਐਂਵੇਂ ਮਰ ਮਰ ਕੇ ਨਾ ਜੂਨ ਹੰਢਾ;

ਕਿਸੇ ਦੀ ਪੈੜ ਨਹੀਂ ਦੇਖੀ ਦੀ

ਮੰਜਿਲ “ਦਿੱਸ਼ਿਆ" ਜੇ ਤੂੰ ਪਾਉਣੀ ਏ,

ਬੰਨ੍ਹ ਲੈ ਗੰਢ ਉਮੀਦ ਦੀ ਪੱਲੇ

ਰਾਹ ਚਲ ਆਪਣਾ ਤੂੰ ਆਪ ਬਣਾ ;

ਰਚਨਾ

ਜਗਦੀਸ਼ “ਦਿਸ਼ਾ"

3 ਜੁਲਾਈ 2016

ਮੈਂ ਆਊਂ ਜਰੂਰ

                       ਨਾਂ ਰੋ,ਹਸ ਕੇ ਵਿਦਾ ਕਰ ਮੈਨੂੰ
                     ਰੱਖੀਂ ਹੌਂਸਲਾ ਮੈਂ ਮੁੜ ਆਊਂ ਜਰੂਰ,
                   ਬੂਹੇ ਕੁੰਡੀ ਮਾਰੀਂ ਨਾ,ਝੰਮ ਦਈਂ ਬੇਸ਼ੱਕ
                   ਦੇਹਲੀ ਤੇਰੀ ਪੈਰ ਮੈਂ ਮੁੜ ਪਾਊਂ ਜਰੂਰ,
                   ਸਫਰ ਜਿੰਦ ਦਾ,ਥਾਈਂ ਬਹਿ ਨੀ ਕਟਣਾ
                ਪਰ ਇਹਨੀਂ ਰਾਹੀਂ, ਫੇਰ ਫੇਰਾ ਪਾਊਂ ਜਰੂਰ,
                 ਐਂਵੇਂ ਤਾਂ ਨੀ ਰੱਖਿਆ ਮੈਂ ਰਹਿੰਦਾ ਕਿਸੇ ਦਾ
                 ਔਕੜ ਪਰ ਬਣ ਬੇੜੀ ਘੇਰਾ ਪਾਊ ਜਰੂਰ,
                   ਵਸਲ ਦੀ ਡੋਰ ਓਸ ਹੱਥ ਮੇਰੇ ਮਾਲਕ
                   ਆਪਣਾ ਜੋਰ ਮਰਨ ਤੱਕ ਲਾਊਂ ਜਰੂਰ,
                  ਹਰ ਗਿਆ ਜੇ,ਕਿਤੇ ਮਰ ਈ ਗਿਆ ਜੇ
                   ਬਣ ਲਫ਼ਜ "ਦਿੱਸ਼ਾ" ਬੁਲ੍ਹਾਂ ਤੇਰਿਆਂ ਤੇ
                 ਯਾਦਾਂ ਵਾਲਾ ਗੀਤ,ਸੱਚੀਂ "ਗਾਊ" ਜਰੂਰ,
                ਮੈਂ ਗਾਊਂ ਜਰੂਰ,ਕਿਸੇ ਬਹਾਨੇ ਆਊਂ ਜਰੂਰ;
                       ----------~~*~~----------
                  ***** ਜਗਦੀਸ਼ "ਦਿੱਸ਼ਾ" *****

****ਮਿਤੀ 10 ਮਈ 2016***

ਭਗਤ ਸਿੰਹਾ...ਹੁਣ ! ਕਹਿਣ ਨੂੰ ਕੀ ਬਾਕੀ ਰਹਿ ਗਿਆ...!

                           ਭਗਤ ਸਿੰਹਾ...ਹੁਣ !
                  ਕਹਿਣ ਨੂੰ ਕੀ ਬਾਕੀ ਰਹਿ ਗਿਆ...!

                    ਕਿਸੇ ਨੂੰ ਕੀ ਦੋਸ਼ ਦੇਈਏ...ਬੱਸ
                  ਘਰ ਦੇ ਈ ਬਣਕੇ ਡਾਕੂ ਬਹਿ ਗਏ,
                        ਹੁਣ ਮਾਰਦੇ ਧੱਕੇ ਓਹ...
                ਵੋਟਾਂ ਵੇਲੇ ਸੀ ਜਿਹੜੇ ਬਾਪੂ ਕਹਿ ਗਏ,
                   ਸਮਾਂ ਆਉਣ ਵਾਲਾ...ਮੁੜ ਫੇਰ !
               ਸ਼ਾਹੂਕਾਰਾਂ ਦੀ ਹੱਟੀ ਦੇ ਰਾਹ ਪੈ ਗਿਆ,

                        ਭਗਤ ਸਿੰਹਾ...ਹੁਣ !
                ਕਹਿਣ ਨੂੰ ਕੀ ਬਾਕੀ ਰਹਿ ਗਿਆ...!

                        ਜਦੋਂ ਤੁਰੇ ਹੋਣੇ ਤੁਸੀਂ...
                      ਭਾਰਤ ਮਾਂ ਦੀ ਰਾਖੀ ਨੂੰ,
                        ਨਹੀਂ ਸੋਚਿਆ ਹੋਣਾ,
                 ਕਿ ਕਦੇ ਉਹ ਦਿਨ ਆਉਣਗੇ ?
                                  ....
            ਮਾਂ ਦੀ ਲਾਜ ਨੂੰ ਪੁੱਤ ਕੁੱਤੇ ਹੱਥ ਪਾਉਣਗੇ !

              ਵੇਖੋ ਜੇ ਕਿਤੋਂ...ਹੁਣ ਥੋਡੀ ਨਜਰ ਪਵੇ !
                ਅੱਜ ਓਸੇ ਮਾਂ ਦੀ ਬੋਲੀ ਲਾਉਣ...
                         ਪੁੱਤ ਅੜੇ ਖੜ੍ਹੇ..!

                  ਲੁੱਟ ਲੋ ਜਿਨ੍ਹਾਂ ਲੁੱਟਿਆ ਜਾਵੇ...
                 ਅੱਜ ਇਹ ਦਸਤੂਰ ਏ ਲੋਕਾਂ ਦਾ,
                  ਭਰਦਾ ਪਤਾ ਨੀਂ ਢਿੱਡ ਕਿਉਂ...
                 ਇਹਨਾਂ ਰੱਤ ਪੀਣੀਆਂ ਜੋਕਾਂ ਦਾ,
                                  ...
                  ਤੁਸੀਂ ਤਾਂ ਵੀਰਿਓ...ਐਂਵੇਂ ਦੱਸ..
                                  ...
                       ਕਿਹਨਾਂ ਪਿੱਛੇ ਮਰੇ...!
                                  ...
                   ਕਿਉਂ ਇਹਨਾਂ ਲਈ ਮਰੇ ?

                        ਜਗਦੀਸ਼ "ਦਿੱਸ਼ਾ

                      from my blog

           shivdisha.WordPress.com