ਹੋਰ ਅਜਮਾ ਜਿੰਦਗੀ !

                 

                     ਜਿੰਦਗੀ ਪੈਰ ਪੈਰ ਤੇ ਅਜਮਾਉਂਦੀ ਐ
                     ਰੰਗ ਬਦਲ ਬਦਲ ਕੇ ਰੁਆਉਂਦੀ ਐ,
                    ਸਹੁੰ ਅਸੀਂ ਵੀ ਨਾ ਹਾਰਨ ਦੀ ਖਾ ਆਏ
                    ਦਾਅ ਸਾਂਹ ਮੁੱਕਿਆਂ ਤੱਕ ਦਾ ਲਾ ਆਏ,
                     ਜੇ ਅੰਤ ਸਿਤਮਾਂ ਦਾ ਨਹੀਂ ਤੇਰਿਆਂ ਦਾ

    ਫੂਕ ਸੱਧਰਾਂ ਅਸੀਂ ਵੀ ਕੰਮ ਮੁਕਾ ਆਏ;

ਦਰਦ ਏ ਦਿਲ

                       ਕਦੇ ਹਸ ਪੈਣਾ,ਕਦੇ ਰੁੱਸ ਜਾਣਾ
                ਅੰਦਾਜ਼ ਇਹ ਤੁਹਾਡਾ ਸਿਹਾ ਨਹੀਂਓ ਜਾਂਦਾ,
                   ਰੱਬ ਮੰਨਿਐ ਤੁਹਾਨੂੰ ਪਰ ਕਦਰ ਨਹੀਂ
                 ਧੱਕੇ ਨਾਲ ਪਿਆਰ ਲਿਆ ਨਹੀਂਓ ਜਾਂਦਾ,
                     ਰੁੱਸਣੇ ਨੂੰ ਚਿੱਤ ਮੇਰਾ ਵੀ ਏ ਕਰਦਾ
              ਬੋਲਿਆਂ ਬਿਨਾਂ ਵੀ ਪਰ ਰਿਹਾ ਨਹੀਂਓ ਜਾਂਦਾ,
                    ਅੱਖਾਂ ਪੜ੍ਹੋ ਤੇ ਜਾਣੋ ਹਾਲ ਦਿਲ ਦਾ
                 ਮੂੰਹੋਂ ਵਾਰੀ ਵਾਰੀ ਵੀ ਕਿਹਾ ਨਹੀਂਓ ਜਾਂਦਾ,
           'ਦਿਸ਼ਾ' ਉਲਝੇ ਖੁਆਬਾਂ ਦੀ ਗੰਢ ਬਣ ਰਹਿ ਗਿਆ
              ਸਿਰਿਆਂ ਨੂੰ ਹੱਥੀਂ ਹੁਣ ਲਿਆ ਨਹੀਂਓ ਜਾਂਦਾ।

                             ਜਗਦੀਸ਼ "ਦਿੱਸ਼ਾ"