ਪੰਜਾਬ ‘ਚ ਨਵੀਂ ਸਰਕਾਰ ਕਿਸ ਦੀ ਬਣੂ ਕਿਸ ਦੀ ਨਹੀਂ ਹਾਲੇ ਕੁਝ ਨੀਂ ਕਹਿ ਸਕਦੇ।ਪਰ,ਜੇ ਪਹਿਲਾਂ ਆਲਾ ਹਿਸਾਬ ਲਾਈਏ...ਕਿ ਜੇ ਇਹੀ ਦੋਏ ਪਾਰਟੀਆਂ ਹੁੰਦੀਆਂ ਤਾਂ ਕਿਸੇ ਨੂੰ ਕੋਈ ਸ਼ੱਕ ਨੀਂ ਸੀ ਕਿ ਐਤਕੀ ਕਾਂਗਰਸ ਪਾਰਟੀ ਪੱਕਾ ਜਿੱਤਦੀ।ਵਜ੍ਹਾ ਇਹ ਨਹੀਂ ਕਿ ਕਾਂਗਰਸ ਦਾ ਰਾਜ ਕੋਈ ਬਾਹਲਾ ਵਧੀਆ ਸੀ ਤਾਂ ਉਹ ਜਿੱਤਦੇ,ਬਲਕਿ ਅਸਲ ਵਜ੍ਹਾ ਇਹ ਹੈ ਕਿ ਜਨਤਾ ਅਕਾਲੀਆਂ ਦੀ ਨੀਤੀਆਂ ਨੂੰ ਪਸੰਦ ਏ ਨੀਂ ਕਰਦੀ ਤੇ ਜਿਹੜਾ ਇਹਨਾਂ ਉੱਤੇ ਜਨਤਾ ਦੇ ਪੈਸੇ ਦੀ ਲੁੱਟ-ਘਸੁੱਟ ਕਰਨ ਦਾ,ਲੋਕਾਂ ਦੇ ਕਾਰੋਬਾਰਾਂ ‘ਚ ਜਬਰਦਸਤੀ ਹਿੱਸੇਦਾਰੀ ਕਰਨ ਦਾ,ਨਸ਼ੇ ਨੂੰ ਸ਼ੈ ਦੇਣ ਦਾ ਅਤੇ ਆਮ ਇਨਸਾਨ ਨੂੰ ਰੋਜੀ-ਰੋਟੀ ਤੋਂ ਵੀ ਭੁੱਖਿਆਂ ਮਾਰਨ ਦੇ ਇਲਜਾਮ ਲਗਦੇ ਆਏ ਨੇ...ਇਹਨਾਂ ਦੀ ਹਾਰ ਦੇ ਕਾਰਨ ਬਣਦੇ।
ਪਰ,ਸ਼ਾਇਦ ਪੰਜਾਬ ਦੀ ਸਿਆਸਤ ਵਿੱਚ ਇਹ ਪਹਿਲਾ ਮੌਕਾ ਹੈ ਕਿ ਇਸ ਵਾਰ ਨਵੀਂ ਉੱਭਰੀ ਆਮ ਆਦਮੀ ਪਾਰਟੀ ਨੇ ਇਸ ਇਲੈਕਸ਼ਨ ਨੂੰ ਇੱਕ ਜੰਗ ਵਿੱਚ ਤਬਦੀਲ ਕਰ ਦਿੱਤੈ,ਅਤੇ ਰਿਵਾਇਤੀ ਧੜਿਆਂ ‘ਚ “ਜਵਾਬਦੇਹੀ” ਦਾ ਹਥਿਆਰ ਲੈ ਇੱਕ ਹੋਰ ਮਜਬੂਤ ਧੜਾ ਆ ਵੜਿਐ ਜਿਹੜਾ ਇਹਨਾਂ ਦੋਹਾਂ ਧੜਿਆਂ ਤੋਂ ਵੱਖਰੀ ਵਿਚਾਰਧਾਰਾ ਲੈ ਕੇ ਆਇਐ।
ਮੈਨੂੰ ਲਗਦੈ ਕਿ ਲੋਕ ਨਵੀਂ ਸੋਚ ਨੂੰ ਆਪਣਾ ਯੋਗਦਾਨ ਵੱਧ ਦਿੰਦੇ ਨੇ ਅਤੇ ਪੁਰਾਣੇ ਲਾਰਿਆਂ ਤੇ ਹੁਣ ਬਹੁਤਾ ਭਰੋਸਾ ਨਹੀਂ ਕਰਦੇ,ਕਿਉਂਕਿ ਜਿੱਥੇ ਜਵਾਬਦੇਹੀ ਨਹੀਂ ਓਥੇ ਭਰੋਸਾ ਨਹੀਂ।
ਜਗਦੀਸ਼ ਕੁਮਾਰ ਦਿੱਸ਼ਾ
15/1/2017
