ਬਾਕੀ ਤਾਂ ਸਭ ਠੀਕ ਐ,ਪਤਾ ਨਹੀਂ ਕਿਉਂ
ਲਗਦੈ ਜਿੰਦਗੀ ਚੋਂ ਕੁਝ ਜਿਵੇਂ ਘਟ ਜਾ ਗਿਐ,
ਮੁੜ ਚਿਹਰੇ ਤੋਂ ਪਹਿਲਾਂ ਵਾਂਗ ਹਾਸਾ ਮੇਰੇ, ਤੇ
ਖ਼ਵਾਬਾਂ ਨੂੰ ਪਿਆ ਬੂਰ,ਕਿਉਂ ਘਟ ਜਾ ਗਿਐ ?
ਜੇ ਹੈ ਕੋਈ ਜਵਾਬ ! ਤਾਂ ਹੋ ਸਕੇ ਜਰੂਰ ਦੇਣਾ
ਸਾਹਾਂ ਦਾ ਖੈਰ-ਸਿਲਸਿਲਾ ਵੀ ਗੁੰਮ ਜਿਹਾ ਲਗਦੈ,
ਰਾਹਾਂ ਦੀ ਵਾਟ੍ਹ ਜੋਹਣਾ ਅੱਜਕਲ੍ਹ ਘਟ ਜਾ ਗਿਐ;
ਰੀਝਾਂ ਦਿਲ ਦੀਆਂ ਦਾ ਵਜ਼ਨ ਤਾਂ ਓਨਾ ਈ ਐ,ਪਰ
ਉਮੀਦਾਂ ਦਾ ਪਤਾ ਨਹੀਂ ਕਿਉਂ ਘਟ ਜਾ ਗਿਐ।
ਲਿਖਣ ਦਾ ਚੱਜ ਤਾਂ ਪਹਿਲਾਂ ਈ ਨੀਂ ਦਿੱਸ਼ੇ ਨੂੰ
ਪਤੈ ! ਪਰ ਕਾਗਜ਼ਾਂ ਨਾਲ ਵੀ ਰਾਬਤਾ ਸੱਚੀਂ !
ਘਟ ਜਾ ਗਿਐ ! ਦੱਸੀਂ...ਕਿਉਂ ਘਟ ਜਾ ਗਿਐ ?
