" ਕਾਮਯਾਬ ਸਮਾਂ "

" ਕਾਮਯਾਬ ਸਮਾਂ "
ਕਾਮਯਾਬ ਹੋ ਰਿਹਾ ਹੈ ਸਮਾਂ
ਆਪਣਾ ਅਸਰ ਦਿਖਾਉਣ ਵਿੱਚ,
ਯਾਦਾਂ ਦੀ ਲਾਸ਼ ਆਪਣੇ
ਪੈਰਾਂ ਥੱਲੇ ਦਫਨਾੳਣ ਵਿੱਚ;
ਮਿੱਟੀ ਦੀ ਧੂੜ,ਜਿਨ੍ਹਾ
ਚਿੱਤਰਾਂ ਉੱਤੇ ਪਈ ਉਹਨਾਂ,
ਤਸਵੀਰਾਂ ਦਾ ਵਜੂਦ ਮਿਟਾਉਣ ਵਿੱਚ;
ਵਿੱਚ ਵਿਛੋੜੇ ਜਿਹੜੀਆਂ,ਤਰ ਅੱਖੀਆਂ,
ਉਹਨਾਂ ਝੜੀਆਂ ਨੂੰ ਸੁਕਾਉਣ ਵਿੱਚ;
ਹਰ ਕੋਈ ਪੁੱਛੇ,ਤਬਦੀਲੀਆਂ ਦਾ ਕਾਰਨ,
ਕਿਹਦਾ ਹੱਥ ਹੈ ਉਹ
ਬੇਹਾਲੇ-ਹਾਲ ਮੁਕਾਉਣ ਵਿੱਚ;
ਕਾਮਯਾਬ ਹੋ ਗਿਆ ਹੈ ਸਮਾਂ,
ਆਪਣਾ ਅਸਰ ਦਿਖਾਉਣ ਵਿੱਚ ;
ਕਾਮਯਾਬ ਹੋ ਗਿਆ ਹੈ ਸਮਾਂ...!
(ਜਗਦੀਸ਼ ਦੀਸ਼ਾ,29-9-1999)

----------
Sent from my Nokia phone

'ਸੁਪਨੇ ਜਿਹਾ ਅਹਿਸਾਸ'

ਅੱਖਾਂ ਐਂਵੇਂ ਜਿਵੇਂ ਬੋਤਲਾਂ ਸ਼ਰਾਬ ਦੀਆਂ
ਤਿੱਖੀ ਨਜ਼ਰ ਨੇ ਕੀਤਾ ਹਲਾਲ ਮੈਨੂੰ,
ਭਾਵੇਂ ਚਾਹੁੰਦੀ ਏਂ ਮੈਨੂੰ ਤੂੰ ਦਿਲੋਂ,ਪਰ
ਲਗੇ ਇਉਂ ਜਿਵੇਂ,ਕਰਦੀ ਏਂ ਮਜ਼ਾਕ ਮੈਨੂੰ,
ਅਸੀਂ ਹੋ ਵੀ ਗਏ ਇੱਕ ਦੂਜੇ ਦੇ,ਪਰ ਫੇਰ ਵੀ
ਕਿਉਂ ਇੱਕ ਸੁਪਨੇ ਜਿਹਾ ਹੁੰਦੈ ਅਹਿਸਾਸ ਮੈਨੂੰ,
ਨਾਂ ਰਹਿਜੇ ਕਿਤੇ ਇਹ ਹਕੀਕਤ ਸੁਪਨਾ ਬਣਕੇ
ਆਖਰੀ ਸਾਹਾਂ ਤੱਕ,ਚਾਹੀਦਾ ਏ ਤੇਰਾ ਪਿਆਰ ਮੈਨੂੰ,
ਲੜ ਜਾਵਾਂ ਪੂਰੀ ਦੁਨੀਆਂ ਨਾਲ,ਜੇ
ਨਹੀਂ ਛੱਡੇਂਗੀ ਸਾਥ ਤੂੰ ਮੇਰਾ,ਪਹਿਲਾਂ
ਕਰਨਾ ਪੈਣਾ ਇਹ ਇਕਰਾਰ ਤੈਨੂੰ...
(22ਦੀਸ਼ਾ)

----------
Sent from my Nokia phone

ਮਹਾਰਾਜਾ ਰਣਜੀਤ ਸਿੰਘ

ਮਹਾਰਾਜਾ ਰਣਜੀਤ ਸਿੰਘ
(13nov.1780-27june1839)
ਉਨ੍ਹਾ ਦੇ ਚਲਾਣੇ ਤੋਂ ਕਈ ਵਰ੍ਹੇ ਬਾਅਦ ਵੀ,ਉਸੇ ਸ਼ਾਂਤ,ਸੁਖੀ ਤੇ ਸੁਰੱਖਿਅਤ ਪੰਜਾਬ ਦੇ ਕੌਮੀ ਕਵੀ,ਸਯੱਦ ਸ਼ਾਹ ਮੁਹੰਮਦ (੧੭੮੨-੧੮੬੨) ਨੇ ਉਨ੍ਹਾ ਨੂੰ ਸ਼ਰਧਾਂਜਲੀ ਭੇਟ ਕਰਦਿਆਂ,ਇਹ ਖੁੱਲੇ-ਬੰਦ ਆਖਿਆ ਸੀ:
ਮਹਾਂਬਲੀ ਰਣਜੀਤ ਸਿੰਘ ਹੋਇਆ ਪੈਦਾ,
ਨਾਲ ਜ਼ੋਰ ਦੇ ਮੁਲਕ ਹਿਲਾਇ ਗਿਆ ।
ਮੁਲਤਾਨ,ਕਸ਼ਮੀਰ,ਪਸ਼ੌਰ,ਚੰਬਾ,
ਜੰਮੂ,ਕਾਂਗੜਾ,ਕੋਟ ਨਿਵਾਇ ਗਿਆ ।
ਹੋਰ ਦੇਸ਼ ਲਦਾਖ਼ ਤੇ ਚੀਨ ਤੋੜੀਂ,
ਸਿੱਕਾ ਆਪਣੇ ਨਾਮ ਚਲਾਇ ਗਿਆ ।
ਸ਼ਾਹ ਮੁਹੰਮਦਾ ਜਾਣ ਪਚਾਸ ਬਰਸਾਂ,
ਅੱਛਾ ਰੱਜ ਕੇ ਰਾਜ ਕਮਾਇ ਗਿਆ ।

----------
Sent from my Nokia phone