ਸੱਚਾ ਇਸ਼ਕ ਖ਼ੁਦਾ ਦਾ

ਸੱਚਾ ਇਸ਼ਕ ਓਸ ਖ਼ੁਦਾ ਦਾ

ਜੋ ਮਿਲ ਕੇ ਜੁਦਾ ਨਾ ਹੋਵੇ

ਝੂਠੇ ਹਨ ਸਭ ਰਿਸ਼ਤੇ ਐੱਥੇ

ਜੋ ਵੀ ਲਾਉਣ ਪ੍ਰੀਤਾਂ,ਸੋ ਰੋਵੇ

ਖ਼ੁਦਾ ਮਹਿਬੂਬ ਬਣ ਜਾਂਦੈ

ਕਦੀ ਮਹਿਬੂਬ ਖ਼ੁਦਾ ਨਾ ਹੋਵੇ

 

ਛੱਡ ਖਹਿੜਾ

ਉਡੀਕ...ਮੁੱਕਦੀ ਨਹੀਂ !

ਮੁਕਾਉਣੀ ਪੈਂਦੀ ਹੈ ;

ਮਨ ਨੂੰ ਸਮਝਾ ਕੇ...

ਜ਼ਿੰਦਗੀ ਦੇ ਹੋਰ,ਰੰਗ ਦਿਖਾ ਕੇ

ਕੇ ਚਲ ਮਨਾਂ,ਛੱਡ ਖਹਿੜਾ

ਓਥੇ ਕੀ ਮਿਲਣਾ,ਜਿੱਥੇ ਰਹੇ ਚੁੱਪ

ਮੰਗ ਨਾ ਖੈਰਾਤ..!

ਜਿੱਥੇ ਸੁੰਨੇ ਹੋਣ ਜਜ਼ਬਾਤ

ਅੱਗੇ ਤੁਰ, ਛੱਡ ਖਹਿੜਾ 

ਦਿਲਾਸੇ

ਕੁਝ ਪੁਰਾਣੀਆਂ ਗੱਲਾਂ ਚੈਟ ਦੀਆਂ

ਪੜ੍ਹ ਕੇ ਹੀ ਮਨ ਪਰਚਾ ਲਈਦੈ,

ਕੋਈ ਆਪਣਾ ਬਣਾ ਕੇ ਭੁੱਲ ਗਿਆ

ਹੌਂਸਲਾ ਦੇ ਕੇ ਮਨ,ਸਮਝਾ ਲਈਦੈ,

ਵਕਤ ਬਦਲ ਗਿਆ, ਸ਼ਾਇਦ

ਉਹ ਨਹੀਂ ਬਦਲਿਆ ਹੋਣਾ...

ਉਮੀਦ ਝੂਠੀ ਦਾ ਦੇ ਦਿਲਾਸਾ

ਭਰੋਸਾ ਪਿਆਰ ਦਾ ਬਚਾ ਲਈਦੈ,

ਨਹੀਂ ਹਰਖ਼ ਕਿ ਉਹ ਦੂਰ ਰਹਿਕੇ

ਰਾਜ਼ੀ ਹੈ, ਓਸਤੇ ਮੇਰਾ ਹੱਕ ਵੀ ਕੀ ?

ਚੁੱਪ ਰਹਿਕੇ, ਉਡੀਕਾਂ ਦਾ ਸਿਤਮ

ਤਨ ਆਪਣੇ ਉੱਤੇ ਹੰਢਾ ਲਈਦੈ...

ਤਨ ਆਪਣੇ ਉੱਤੇ.....!!!!!